عفاكم حاولوا تفهموني اعطوني شي حل فهاد الموصيبة لي طحت فيها

عفاكم حاولوا تفهموني اعطوني شي حل فهاد الموصيبة لي طحت فيها

أنا ف عمري 23 عام او كنعرف واحد سيد ف عمرو 40 عام كان كيعجبني بزاف وكل مرة كنشوفو كنزيد نتعلق به أكتر شوي رجعت كانبغيه لواحد درجة متصورش كنت كنغير منو بزاف اومكانبغيهش يتكلم مع

البنات او هادشي كان صعيب لمهم من بعد تناقشت معاه اورجعت كنحاول نميك عليه اونبيٍن راصيٍ أني تغيرت داز لعام من بعد حاولت نتصالح معاه اونعتادرليه لمهم الصراحة أنا مبقيتش كنفكر اومكانعرفش ا لحاجة الزوينة الحاجة لخيبا مابقيتش قادر نفرق رجع كيبان لي أي حاجة تكون على ود أني نشفوا هدي هي لحاجة لمزيانة

ولله البنات أنا من عائلة محافضة أو مربية أحسن تربية ولكن كيف كنوصل لشي حاجة عندها علاقة بيه كانسى كولشي اومكانعرف من صح من….معرفتش كيف نقلها لكم لمهم رجعت كانطلاقة معاه كنمارسو الحب لمهم دكشي غير سطحي او ف طموبيل

ولله أنا حشمانة من راسي ملي كنقول هدشي ولكن مكان عندي خيار أخر خفت ميبغيش يبقى يشوفني او هادي جتني هي نقطة ضعف عند الدراري او أنا لطلبت منو هادشي قلت ليه نبقى نمارس معاك …لمهم وافق ولكن كان واضح معايا من الأول بينلي بطريقة أو بأخرى أنا طريقي مشي هي طريقو او أنا حاولت نكون متفهمة اوحاولت نبين ليه أنني مبغاش شي حاجة تربطنا أكتر من هادشي كنت كنكدب عليه اوكنكدب على راسي بهاد لهدرة ولكن الغالب الله ماكنت عارفة ماندير أو دابا زدت تعلقت به أكتر اومكانحسش براسي حتى كنبدا نقول شي حاجة ليه كتدل أني كنغير عليه اولا كنبغيه أوهوا بلا ميقصد كيجرحني بزاف ولله عييت ديمة كنبكي ليل أو نهار علا وديت هدرتو او تجاهل ديالو ليا رجعت فحال إلى راني ف شي حلم مبغاش يسالي أخر مرة هدرت معه قاليا مالكي حمقا اوكانتصرفي فحال راكي مراتي ولا خطبتي

هاد لهدرة قالهاليا ف شات فحال تضربت بتسرفقة مقدرتش نجاوبو بكيت تا عييت معرفة ماندير فسخت خطبتي من واحد إنسان كيبغني على ودية حينت المشاعر ديالي متاجهة ليه منقدرش نفكر ف شي واحد من غيروا

عاونني عفاكم كيف غاندير ف مشكلتي ولله إلى راني معارفا ماندير رضاها غير لبكا

أنا منقدرش نفكر ف شي حد أخرر من غيرو أو كانبغيه بزاااف او مانقدرش نتفارق معاه او مانشفوش

مصدر المشكل مطروح في الصفحة الرسمية للموقع عبر الفيسبوك

https://www.facebook.com/StonBook.Office.Site