مشكلتي اني ما بقيتش كنستحمل يقيسني

عمري 27 سنه متزوجه وعندي 2 بنات هادي تقريبا 6 سنوات باش تزوجت كانت فالاول حياتنا غاده عادي ولكن من بعد ما ولدت بنتي الاولى بديت كنتبدل نفسيا و جسديا مادازتش مده كبيره وحملت عاوتاني ومللي ولدت صافي هنا وليت كنحس راسي عايشه معاه غير علاود بناتي مابقى لا حب لا والو حتى داك الرغبه الجنسيه مابقاتش كون نْصيب مايقيصنيش فمرّه ولكن المصيبه الكبيره انّي مؤخرا تلآقيت الإنسان اللي كان حب حياتي واللي كنت كنظن أني نسيتو واكتشفت أني كنفكر فيه بزاف كنحاول نخرجو من راسي ولكن ديما كتوقع شي حاجه بيني و بين راجلي كتخليني نتفكرو و نكلس نقارن بيناتهم كنفكر فالطلاق حيت مامستحملاش اني نخون راجلي واخا تا بالتفكير فواحاد تاني ولكن كنرجع ونفكر فبناتي وتنقول اش دنبهم تلفت ومابقيت عارفه ماندير عافاكم اللي غايجاوبني بالشتيم بلاش راه اللي فيّ كافيني حالتي حاله انا كنتمنى نبغيه كيما هوكيبغيني حيت هو ولد الناس وكايعملني أحسن معامله وانا عارفه المشكله كلها فيّ ولكن فنفس الوقت ماعارفاش شنو خاصني ندير كنتعدب والله ماشي ساهله تعيشي مع إنسان مابقيتيش كتبغيه وكايبان لي كولّو عيوب

مصدر المشكل مطروح في الصفحة الرسمية للموقع عبر الفيسبوك

https://www.facebook.com/StonBook.Office.Site