عاونوني عافاكم راني مابقيت عارفا ماندير يانسكت يا نهضر

عاونوني عافاكم راني مابقيت عارفا ماندير يانسكت يا نهضر 

السلام عليكم عافاك انا بغيت نعاودليكم مشكيلتي ونتمنا منكم تعاونوني انا هادي عام باش كانعرف واحد الولد كيبغيني بزااف لدرجة كنقول يمكن كيبغيني كتر مكنبغيه لكن الصراحة حتى انا مكنتخيلش راسي مع واحد من غيرو انا عندي الراجل هو هو المهم المشكل هو ان كاين فرق كبير بينتنا ثقافيا انا ماستر و هو عندو الباك ولا واقيلا ماشادوش لكن عقلو كبير وراجل بمعنى الكلمة وكيبغيني كتر من اي حاجة فالدنيا والحمد لله ميسور لكنن كاين مشكل اخر انه من عائلة كتعتبر كلام و اوامر الاب مكيتنقشوش و الاب ديالو باغي يزوجو بواحد البنت يتيمة قالك و باغي يدير فيهاا خير و يزوجها ليه وحيت كان مواعد و يوجها لولدو لمهم هو قالي انا وخا ماعرفت شنو يديرو لكن باه او مو قالوليه ها السخط ها الرضا ويلا متزوجتيش هاد البنت ماحنا واليديك مانتا ولدنا حيت هما تايقولو عاطيين الكلمة لباها قبل ميموت و باه ماباغيش يطلع دري مع عمامها قالك الراجل هو الكلمة دبا هو غيحماق بيني و بين ووالديه وتيقولي انا نموت عزري وماناخدش وحدة من غيرك وانا مابقيت عرفا مندير عاونوني عافاكم راه غنحماقو بجوج

مصدر المشكل مطروح في الصفحة الرسمية للموقع عبر الفيسبوك

https://www.facebook.com/StonBook.Office.Site