الينات مصيبتي مابحالها مصيبة فيدوني اش ندير فيها
الينات مصيبتي مابحالها مصيبة فيدوني اش ندير فيها
السلام عليكم مانكدبش عليكم حالتي حالة متازمة نفسيا ما بقيت تناكل ولا تنشرب ولا تنعس غير تنخمم ونصلي ونبكي قلبي طايب وحالتي حالة وربي وحدو اللي عالم بيا وقررت نكتب ليكم باش نفضفض شويا ونخفف واي اخت اتقي فيا الله واللي فيا راه مكفيني واي كلام سلبي غيزيد ياتر فيا حيت وصلت لمرحلة خايبة تنفكر غير فالحاجات الخايبين قربت نحماق قصتي انني نهار درت العقد مع انسان متدين وخلوق وعائلتو الله يعمرها دار وحتى هو الله يعمرها دار تافق مع اسرتي على نهار العرس وعلى اساس هيشد دار ويفرشها قبل 5 اشهر من حفل الزفاف المهم بقينا غادين هكاك ومشيت تنوجد فعرسي وهو واحد السيد عطاه كلمة يخوي ليه الدار قبل 5 اشهر على العرس ولكن السيد ولا تيقول ليه الشهر الجاي حتى داز الشهر الاول والتاني والتالت والسيد فالشهر الرابع تشلل وطاح فالفراش مابقاش قادر يخوي ليه الدار تصورو ومازال شهر على العرس بقا راجلي تيقلب على الكرا ومالقاش فداك الساعة وانا ملي شفت داكشي طلبت منو ناجلو العرس حتى يشد دار مابغاش وجا هو وعائلتو عند الواليد وخبروه بالظروف اللي وقعات وبانهم ماباغينش ياجلو العرس يعني نديرو العرس وقتو وموراها يوجد دار حيت شاري الاتات خاصو بمجرد مايلقا دار غيفرشها بالاتات اللي سبقيله شراه المهم ماتصوروش حالتي حالة مع العرس وماكاين دار ومارضياش من عائلتي والحمد لله اللي ماساقوش الخبار حيت كلهم ساكنين فمناطق بعيدة بزاف وبالتالي ماتنتشافوش على فين وفين الواليد وافق حيت عندو راجلي عزيز ومافيها باس نصبر معاه على ما يوجد راسو درنا العرس وبقيت معاه 4 ايام (وللعلم مازلت عدراء مارسنا الحياة الزوجية بسطحية حيت نيت باغي يدخل عليا حتى نكون فداري)ورجعت لدارنا على مايقلب الكرا ويشد دار ونمشي معاه هاد الكلام داز عليه عام وهو كل نوبة تيطلب مني نزيد نصبر ونصبر وانا عييييييييييييييت مابقيت قادرا على صبر المشكل انو هو المسؤول على دارهم تيصرف عليهم الشيء اللي تياتر عليه من الناحية المادية بزاف وسبحان الله الدار اللي يحط عليها يدو تتعكس وانا مايمكنش نسكن معاهم في دارهم لاني رافضة وكان شرطي من البداية وحتى هو رافض باغي يسكني فالتساع باش يبقا ديما التقار والمحبة بيني وبين عائلتو وتيطلب مني نزيد نصبر غير 3 اشهر اخرى ويعوضني على كل مافات وللعلم هو تيزورني يوميا وطلباتي مجابة ولكن ماتنحسش اني مزوجة نهار تنشوف شي ام هازا ولدها تتجيني البكية نهار تنشوف امراة وراجلها الدموع تيتمو نازلين من عينيا حيت تنشوف راسي ماني مزوجة ولا مطلقة ولا عاقدة شنو هو محلي من الاعراب مابقيت نمشي عند حد باش مايسولونيش مابقيتش نحمل نشوف راسي وليت تنحس انا درت اكبر غلطة فحياتي البارح فجرت معاه الموقف باني مابقيت قادرا نزيد نصبر وصبري تقادا وعيييييييييييت وهادشي فوق احتمالي وطاقتي باس ليا راسي وطلب مني نزيد نصبر غير 3 اشهر وان شاء الله يكون خير ولكن انا طلبت منو الفراق حيت ماقادراش نصبر حتى دقيقة وهو ماراضيش يفرقني ولا يطلقني لانو تيقول تيبغيني وما يقدر يعيش بلا بيا ولكن انا غادية وتنزيد نمرض واليوم راني سردت ليه مساجات انو صافي انا صبري تقادا وماقادرة نزيد نتحمل فوق طاقتي وادا كان فعلا تيبغيني ما يزيديش يعدبني معاك كتار من هكا وراني تنساين جوابو حيت مازال ماجاوبني كيف جاكم هادشي ياريت تنصحوني
مصدر المشكل مطروح في الصفحة الرسمية للموقع عبر الفيسبوك
0 commentaires: