عياني تانيب الضمير و انا عارفة راسي خاصني الاعدام و لكن سمعوني

السلام عليكم البنات انا محتاجاكم تسمعوني واخا غاتاخدو عليا نظرة خايبة و غاتكولو ليا غالطة انا عارفة و كنحس بعض المرات بالدنيا ضياقت في وجهي والله ما لخاطري انا ماعرفتش واش ماشية في طريق ظلمة حتى طوالت المدة انا عندي 22 عام و نصف عمري كلو و انا كنهرب من اي علاقة مع الشباب و كان ولد جيرانا كيبغيني مني كانت عندو 16 عام هو دابا عندو 30 عام وكان هادشي كايبان في كل تصرفاتو و ماحدنا كنكبرو و هو كيتعلق اكثر كان كايحاول يجبد معايا الموضوع و لكن حيت كيعرف رد فعلي ماكانش كيتجرا المهم هو خدم و العام الفايت جبد معايا موضوع الزواج انا مني شفتو ناوي المعقول و التلفون كل نهار الاحاسيس ديال سنوات فاتت عبر عليها كلت من الاحسن ولد الجيران عارفني و عارفاه و خدمة مرسمة و الدا حدا الدار يعني غنبقى حدا ماما وافقت وبقيت مكملة معاه كالي هو الاساسي عندو هو انني نبغيه كيف كيبغيني ماشي نعتبرو غير راجل غيتزوج بيا وصافي اوى بعد المرات كايكوليا خرجي قدام الباب غير نشوفك و دخلي رامانقدرش ندخل للدار بلا ما نشوفك المهم هادشي في خبار ماما كالت ليا ديري ليه خاطرو يمكن عطيه شي شهر بلا مايوجد راسو وبقينا هاكا و هو كايكوليا عييت من هدا الوضع انا بغيت غير امتى نديرو دارنا دازت 6 شهور و هو يكوليا انا غانكولها لمالين الدار وهنا بدات معاناتي حيت ماوافقت نسكن مع دارهم كاليا رامانقدرش دابا نفتح دار دازت شهرين مني لقيت راسي تشوهت والجيران في راسهم كلت غنقبل و اللي ليها ليها مني كلتها ليه كاليا صافي صبري شوية فعلا عندك الحق السكنة مع الدار غتجبد المشاكل وداز عام اخر و كلشي عرف بقصتي و البنت راغير سمعة وانا ولات سمعتي في الارض ومني كنجبد معاه الموضوع كيبدا يكوليا ماضغطيش عليا و هداك الموضوع مسؤوليتي انا وماكي ماتايقاش فيا وشاكا فيا حاسا فحال شي وحدة حاملة في الحرام غير انا حاملة الشوهة و الدنوب عييت عييت عييت واللاهيلا عينيا و لاو كيحرقوني بكثرة الدموع ونبغي نشير انه داير خاتم و الخاتم ديالي انا كيبقى يخاصم الى شافني محيداه و اللباس ديالي حتى هو الي كانت شي حاجة ملفتة كايبقى فيه الحال و التعبئااات يوميا و الخدمة كيجي يديني حتى كيقربني للدار باش مايدوي معايا تاواحد و شرى الحرف الاول من سميتي و دارو في عنقو ماكايحيدش و الى مشيت للدوش كيجي يبقى داير معايا البال حتى نخرج كيفشتا والبرد و هو واقف و الى مرضت شحال من مرة كيمشي فين ماكان البيرمانونس يجيب الدوا ووووو مابقيتش فاهماه علاش ماباغيش يتزوج الله واعلم مشكلتي دابا مانقدرش نكوليه بسلامة حيت غنضرب عام ونص ديال الشوهة في الخوا غنتسمى كنت مصاحبة وساسني راكم عارفين مجتمعنا ماكايرحمش و مابقيتش قادرة نستمر حيت تانيب الضمير قتلني عافاكم لاما نفسوني كولو ليا ياك القتل فيا حلال راني كرهت راسي و حاسا براسي داخلة في حالة اكتئاب شديدة و سمحوليا طولت عليكم

مصدر المشكل مطروح في الصفحة الرسمية للموقع عبر الفيسبوك

https://www.facebook.com/StonBook.Office.Site