غيرت مصير حياتي على حسابه ودابا معرفتش اش ندير

 

السلام عليكم انا بنت عندي 20 عام في عمري متزوجة هادي عام وراجلي كاين في الخارج وانا باقي ماوجدولي الوراق لمهم انا تعرفت عليه هادي عام ونصف بغيته بزاف وخا مدة التعارف كانت صغيرة فاش بغا يجي يخطبني صارحني بانه عندو بنت من الاجنبية اللي كان مزوج بها تقبلت الوضع حيت كانبغيه المهم جا تزوج بيا بعقد الطلاق دياله مع الاجنبية باش نتاكد باللي مامزوجش باقي بيها بنتو عايشة معا مها و كاتجي عندو ويكاند ف جوج اسابيع لمهم انا هاد الراجل ضحيت معاه حيت عائلتي ما بغاوهش ملي عرفو باللي عنده بنت وافقو غير حيت شافوني مصرة عليه وانا خليت عليه قرايتي في مدرسة ديال المهندسين خرجت منها كان يسحابلي غادي يعطيونى الوراق دغية قلت بلا مانضيع الوقت في القراية غانخرج نخرج كنت في العام الثاني في المدرسة وخرجت صراحة هومطلبش مني نخرج ابدا انا اللي قلت لاش نمرض راسي بالقراية وانا خارجة من بعد وماحارمني تامنحاجة اللي بغيتها كيعطيهالي ومخليلي الحرية وكايتيق فيا وكايبغيني ولكن انا مانكدبش عليكم دخلني هوس بغيت نحمل ونجيب ليه ولد ولا بنت باش نجر الاهتمام شوية من بنته والله ماتنكرها ولكن عدروني انا مراة وكنغيروبعد اخر مرة جا عندي كنت كنتسنى نحمل ولكن جاتني الدورة وبكيت وتفقصت ومعرفتش اش ندير وعيد زواجنا قرب وكنا دايرين يجي نحتفلو بيه ولكن مراته الاولى مسافرة وماتقدرش تدي البنت معاها وخاصو يشدها هو قولولي اش ندير بسباب بنته غايضيع كونجي ديال 11 يوم اللي كان طالبها من الخدمة من شحال هادي وكنا دايرين يجي فيها سمحولي يلا طولت عليكم متبخلوش عليا بالردود عافاكم

مصدر المشكل مطروح في الصفحة الرسمية للموقع عبر الفيسبوك

https://www.facebook.com/StonBook.Office.Site